De aanloup noa ut Meersjes Vasteloavends Leedjeskonkoer is in volle gang. De jhèrsjte opnames hubbe al plaatsgevonge en ver kieke vol nuusjèrrigheid oet noa de rest.
Wèh weure de opvolgers van De Kloomp mit t Kemmuniejeske es origineel leedjeswinnaar en Angela mit ’t Vasteloavesbuffet es coverwinnaar. Beiden goave un geweldig optrèje bie ozze zittingen.
Op 15 november zulle alle artieste hun origineel nummer of cover loate whèrre. Mèr dat is neet ’t allerbelangriekste. De gezèlligheid, sfeer en plezeer sjteit natuurlik veurop dizze oavend!
Ver kieke oet noa weer un geweldige oavend vol zang, gezelligheid en vasteloavend en houpe ug doa aug bie te zeen.
Meersje Alaaf,
Commissie MVK van CV de Aanhawwersj
