Eupening 11-11-2026

Komende woonsdig is ‘t zwawiet, de sjtart van os jubileumseizoen.

Goonsdig 11 november eupene de Aanhawwersj mèt in hun midde, Prins Raoul 1 e en
Prinses Mandy, ’t Vastelaovendsseizoen. Veer doon dat um 19.00 oor mèt ein heilige Mès in
de basiliek, veurgegange door de nuuje pesjtwar, eerwaarde Slaven Brajkovic.

Nao de Mès goon veer same mèt de Geulmennekes nao de Prinsetempel “De Keizer”, wah ’t
officiële gedeilte zal plaatsvinge. De Hwaglustighede en de prinsesse weure dan es ’t ware
opnuuj geïnstalleerd. Daonao kriege alle lede van de Raod van 11 hunne steek opgezat. Zwa
is eederein weer gans klaor veur ’t Viefde Seizoen.

Dit jaor is d’r biezundere aandach veur ’t bekindmake van ’t jubileumlogo in ’t kader van ’t 77-
jaorig jubileum van De Aanhawwersj. Veer viere in 2027 ’t feit dat veer es Aanhawwersj al
sinds 1950 de Vastelaovend in Meersje mèt organisere. Dao zeen veer es vereiniging hjèl
trots op. D’r is ein jubileumcomité opgerich dat versjillende activiteite tijdens ’t jubileumjaor
en ’t jubileumweekend van 26, 27 en 28 november 2027 zal organisere.
’t Jubileumlogo sjpeilt ein belangrieke rol tijdens dit jubileumjaor. Geer zölt dit unieke logo
euveral trök zeen kome.

In ’t verlede höbbe versjillende Meersjense kunstenairs ’t jubileumlogo ontworpe. Dizze kjer
höbbe veer aan versjillende kunstenairs van ’t Glaashoes in Mestreech gevraog um ein
passend jubileumlogo te ontwerpe. Twellef kunstenairs zeen aan de sjlaag gegange en dat
haet geresulteerd in mer leefs 16 sjwan ontwerpe. Komende goonsdig zal tijdens de
officiële eupening ’t winnende logo bekind gemaak weure! Kunstenairs van ’t Glaashoes
presentere hun ontwerpe.

Veer njweddige eederein van harte oet um bie dees eupening van de Vastelaovend
aanwezig te zeen.

Alaaf! C.V. De Aanhawwersj