Opening carnavalsseizoen 2025-2026

Deensdig 11-11 j.l. woar de opening van ut viefde seizoen. Un H. Mis geleid door deken Dautzenberg samen mit JCV de Geulmennekes en Sjots en Sjeif sjtarte de aovend. Prins Jerome I en prinses Anne ginge same mit Prins Luthando I van Sjots en Sjeif en Prins Bryan en prinses Anna os veur dees mis. 
 
Aansjleetend woorte ver welkom geheite in de zaal bie Dean mit koffie en vlaai en kos ut officieële gedeilte beginne. Ozze nuuje president Paul haet dizze oavend veur de jhèrste kjer moage leide. En doa loage mig get wisselingen in t verschiet. 
 
Ver opende de oavend mit un moment van sjtilte in ut biezonder veur de os 3 (recent) ontvallen leden van de Aanhawwersj-familie, neve natuurlijk alle leden en luuj die os un werm hart toedroge die os in ut verleden zin ontvallen. 
 
Aansjletend woorte de sjteken opgezat en woar er ur genog wisselinge en beneuminge te melden.  
 
Zu hubbe ver aafsjied genomme van Mirjam Clermonts es grootvorst. Börgemeister Jacques Niederer volgde heur op. Mirjam kraog de kunstelijke ondersjeijing cadeau en Börgemeister Jacques Niederer kraog un nuuj ondersjeijing umgehange.  
 
Bestuurlijk woare er aug get wisselinge en noame Theo Reinders en Harold Kleijnen aafsjied mèr ut besjtuur beneumde hun namens de vereiniging es ere-lid! Nuuj in ut besjtuur zeen Ingmar Wagenaar en Jos Brouwers. 
 
In de road van ellef noam Koen Dullens neve Harold aafsjied van de vereiniging. Ver mochte doaneve waal drie nuuj leden welkom heite: Philippe Heynen, Tim Raeven same mit Laurie en Joep Muijrers same mit Inhua. 
 
Oud-prizzedent Lenardo Maenen kos ut toch neet loate um nog sjwan weurd te sjpreke en goaf dennao de vaere euver aan ziene opvolger Paul. Deh op zien beurt weer vervange woort es tjwèdde sirremoniemeister woort vervange door Remco Janssen. 
 
Veer hope ug sjnel weer te zeen op ein van os aktiviteite, um te beginne op ut MVK van aansjtoande zoaterdig!