Gesjlaagde MVK-editie 2025-2026  

 
Veer kieke terök op un gesjlaagde editie van ut MVK. 15 november j.l. woar de zaal van Speciaalbierencafé de Keizer weer t podium veur mèr leefs 13 deilnummers. 12 acts brachte unne cover en 1 act brach un origineel nummer.  

 
Onder de deilnummers woar auch Leon Volders, nestor van ut meersjens vasteloavesleedje. Heer ontving oet han van ozze president unne oevrepries veur alles wat heer haet beteikent veur t meersjens vasteloavesleed. 
 
Aan ut einde van de aovend koame 3 winnaars oet de bus. De prezzentatiepries ging noa The Meersjeners. Ze heije al un tentje veur de Keizer gezat um alle extra’s op te hange en te verseere. Oeteindelijk leverde ze dit aug de euverwinning op.  
 

In de kategorie covers wonne de prinseskes mit hun nummer euver duufkes. Geflankeerd door unne rare vogel brachte zie de zaal gans in verveuring. De top 3 woort gecompleteerd door Zootje ongeregeld en de Chauffeurs die zonder “T” weer un prachtig nummer brachte. 
 
Es litste de winnaars van ut origineel leedje. Zu wie ozze prezident zag is Sjots & Sjeif wat kwa leedjes betref de baas in Meersje. Ze zatte de tent geweldig op de kop! 

Aog ein bedank nao de vakkundige jury van dizze aovend

Maxime Cabo, Jos VandeWall en Lenardo Maenen. DJ en techniek Guido Conings en Theo Sassen en ozze fotograaf Jack van Dongen. 

Alle winnaars nogmaals proficiat!