Ziekenactie 2026 CV de Aanhawwersj

Bèste Meersjenaire,  

Aug dit joar bezeuk os prinsepaar, Prins Raoul I en Prinses Mandy en un delegaasie van de Aanhawwersj luuj die ziek zeen of un sjteuntje in de rugk kènne gebruuke noa un meujlikke periode.

Dit geböärt van zoondig 8 febrewari tot en mit vriedig 13 febrewari. Natuurlik mèt un ‘gezond’ sjeutelke. Dit doon ver in Meersje, mer aug boete Meersje, in beveurbeeld verzurgingshoeze wah inweunersj van Meersje noe wonen of verzurgd weure. Net zu wie ziekehoeze woa eemes oet de gemeinte Meersje noa un operatie of opname lik. Veur de ziekenaksie hubbe ver de hulp nweddig van luuj die os informasie kènne geven euver diegene die veer gaere un bezeukske ontvange.  

Umwille van de privacy moage os verzurgingshoeze of ziekehoeze gein info mjèh geven. Begriepelik natuurlik, mer veer whèrre sjpietig genog soms achteraaf dat ut joamer woar dat veer neet eve op bezeuk zeen gewaes. Veer wisten dat neet dat de betreffende luuj in un verzurgings- of ziekehoes verbleven of verblieven. Doarum vroage veer femilie, kènnesse, bure of vrung aan te melde via ut formulier op de wibsite of um os te mailen um ugge winsj veur un ziekenbezeuk kènbaar te make. Um dees aksie mede meugelik te make komme veer es Aanhawwers en vriewilligers kollektere veur de ziekenaksie 2026.
  
Geer kènt ug aanmelde veur de aksie via ozze website Aanmelden ziekenbezoek 2026 of maile nao: ziekenbezoeken@cvdeaanhawwersj.nl   

Veer wuunsje ug alvast unne geweldige en gezonne Vasteloavend 2026!  

 CV de Aanhawwersj Meersje