Insjrieve Grwatte Optocht Meersje 2026

Op 16 februari 2026 barsj ut fjès los!  
“Spas en Plezeer” sjtoan centraal tiedens de kleurrieke optocht op Carnavalsmaondig  
  
Meersje maak zich weer op veur ein van de hwagtepunte van ut joar: de jaorlikse carnavalsoptocht! Op maondig 16 februwari 2026 zalle de sjtraote van Meersje en Rothem gevuld zeen mèt blie gezichte, oetbundige kostuums en bonte carnavalswages. Vanaaf 14.00 oer vertrik den Optoch vanaaf ut pesjtwar Geeleplein in Rothem, sjlingert via de Sjtationssjtraot en Meersje Wes, en eindig op de mèrt in ut centrum van Meersje.  

Carnavalsvereiniging De Aanhawwersj organiseert dizze optoch al sinds 1951 en wirk de aafgeloupe decennia nauw same mèt Sjots en Sjeif en de Geulmennekes. Dizze samewirking haet gezurg veur un sjtevige traditsie die deepgeworteld is in ut Meersjense carnavalsleve.  
  
Mèt de sjtart van ut Vasteloavendsseizoen 2026 reup de organisasie alle leefhubbersj van carnaval – van einzelgängers tot grwatte groepe, van zaate herremeniekes tot deilnummersj met wages, fietse of te voot -  op zich in te sjrieve veur de “Gwratte Optoch van Meerssje”. Eederein is welkom, want sjpas en plezeer sjtoan zu wie altied whag op de agenda!  

Insjrieve: wae waal en wae neet!  

Veur wae wilt deilnumme mèt unne groep van mjèr es zès persone, unne kleine wage of grwatte carnavalswage, geldt dat insjrieving verplich is. Einzelgängers en kleine groepe hove zich neet aan te melde en moage gewoon aansjlete; de jury hilt hie rekening mit tiedens de beoordeiling. Insjrieve kèn tot uuterlik vriedig 6 februwari 2026 um 17.00 oer.  

Ut insjriefformulier is te veenge op de website van de Aanhawwersj of aaf te hoale bie ondersjtoande adressen in Meersje, wah ut formulier aug weer kèn weure ingeleverd. Zu weurt de organisasie in gooi bane geleid en kèn eederein optimaal geneete van un veilig en fjèstelik verloup van de optoch.  

Mjèh informasie, ut formulier en ut volledige optochreglemènt zeen te vinge op de website van cv de Aanhawwersj. Zèt t alvas in ugge agenda, verzin un origineel kostuum en mis dees kleurriek traditsie neet!  

Afhaol- en inleveradressen:  

Dhr. J. Conings Bunderstraat 294, 6231 EP, Meerssen.  
Dhr. M. Persoon Emmaweg 56, 6231 BN, Rothem-Meerssen.  
Rovi Sport Bunderstraat 27, 6231 EH, Meerssen.  

Of:  

Website C.V. De aanhawwersj: Insjrieven Gwratte Optoch van Meersje
e-mailadres: optochtmeerssen@cvdeaanhawwersj.nl